పుట:ఉద్భటారాధ్యచరిత్రము.pdf/256

ప్రథమాశ్వాసము

23

సీ.⁠

కమలకర్ణికలు బంగారంపుదుద్దుల         మురువు సూపఁగఁ గర్ణముల ఘటించి పొగడఁ జోటగుకమ్మ పొగడపూవులచీరఁ         గమనీముగఁ గూర్చి కటి నమర్చి సింధువారశ్రేణి సీమంతవీథికి         సొబగుముత్యాలచేర్చుక్కఁ జేసి పొలుపొందు పూఁదేనెఁ బోసి మేదించిన         పొన్నక్రొవ్విరులపుప్పొడి యలంది

⁠

గీ.⁠

కలయ నవకంపు మెఱుఁగులు దొలుకరించు చంపకావలి పతకంబుసరణిఁ జూపి శంకరుఁడు పార్వతికి నిట్లు సలిపి వేడ్క శంబరారాతి మదిలోనిశంక యుడిపె.

⁠ 92

ఉ.⁠

అల్లన మావికొమ్మచిగురాకు నిజాంచితచంచుధారచేఁ జిల్లులు వుచ్చి తద్రసవిశేషము నాలుక సోఁకఁ జొక్కుచున్ ద్రుళ్ళుపికంబుఁ జూడిమని ధూర్జటి చూపినఁ జూచి పార్వతీ హల్లకగంధి వంచె వదనాబ్జము కన్నుల నవ్వు దేరఁగాన్.

⁠ 93

సీ.⁠

తరుణశశాంకశేఖరమరాళమునకు         సారగంభీరకాసార మగుచు కైలాసగిరినాథకలకంఠభర్తకుఁ         గొమరారు లేమావికొమ్మ యగుచు సురలోకవాహినీధరషట్పదమునకుఁ         బ్రాతరుద్బుద్ధకంజాత మగుచు రాజరాజప్రియరాజకీరమునకు         మానితపంజరస్థాన మగుచు

⁠

గీ.⁠

నురగవల్లభహీరమయూరమునకుఁ జెన్నుమీఱిన భూధరశిఖర మగుచు

⁠