పుట:ఉద్భటారాధ్యచరిత్రము.pdf/251

18

ఉద్భటాచార్యచరిత్రము

క.⁠

శివలింగదర్శనంబును శివపూజావైభవంబు శివసద్గుణసం శ్రవణంబును మానవులకు భవనీరదపటలచటులపవమానంబుల్.

⁠ 72

సీ.⁠

ఏ వేల్పు పదముల కిందిరావల్లభు         వలకన్ను పూజనావారిజాత? మే వేల్పుకటిసీమ కిభదైత్యనాయకు         బలితంపుఁ జర్మంబు పట్టుచేల? మే వేల్పుతనువున కిక్షుబాణాసను         గరువంపు నెమ్మేను కమ్మబూది? యే వేల్పు కెంజాయ నేపారుజడలకు         విధి కపాలశ్రేణి విరులదండ?

⁠

గీ.⁠

యట్టి భువనాధినాథున కాదిదేవు నకును మానసపుత్త్రుఁడై ప్రకటమహిమ వెలయ నుద్భటగురుమూర్తి గలఁ డొకండు సకలభవపాశలుంఠక చతురబుద్ధి.

⁠ 73

గీ.⁠

అతులదుర్మతకరటిపంచాననుండు నిఖిలశైవాగమజ్ఞానసఖమనీషుఁ డాశ్రితేప్సితదానదివ్యద్రుమంబు నైన యుద్భటుచరిత నెయ్యమున వినుఁడు.

⁠ 74

వ.⁠

మహాత్ములారా! ఇది మీ యడిగినప్రశ్నంబునకు సదుత్తరంబై యుండు నీ చరిత్రంబు భవలతాలవిత్రంబు, నిశ్శ్రేయసక్షేత్రంబునునై వెలయునని యక్కథకుండు కథాకథనోన్ముఖుండై మహర్షుల కిట్లనియె.

⁠ 75