పుట:ఉదాహరణపద్యములు.pdf/3

త్రిపురవిజయము 3

సీ.⁠

సారథి శతవృద్ధు చక్రంబు లొనఁగూడి              జరగపు రథమున సంఘటించి యుదకంబు చోకున కోర్వని యరదంబు              చేతికి బిరుసైన ఱాతివిల్లు గఱితాకు కోర్వక గడగడ వడకుచు              మువ్వంక వోయెడి చివ్వనారి మేపు నీరును లేక మెదలాడనోపక              వర్ణహీనంబైన వారువములు నిట్టి సాధనములు నీకు నెట్టులొదవె త్రిపురముల నెట్లు గెలిచితి దేవదేవ యనుచు నగజాత చెలులాడ నలరు శివుఁడు చిత్త మిగురొత్త మనల రక్షించుగాత.

⁠ 5

(చిమ్మపూడి అమరేశ్వరుఁడు)

సీ.⁠

తలకమ్మి కొండయు విలుకమ్మి కొండయుఁ              గడయును నడుముగాఁ గలుగుతేరు సరసిజముకుళంబు సద్వాక్యసకలంబు              మాతయు నాలియౌ మాతలియును మిన్నులఁజనువాఁడు కన్నులవినువాఁడు              నంక పర్యంకంబులైన శరము చల్లని పవనంబు నెల్లయిన భువనంబు              మేఁపును మోఁపుగా మెలఁగు నారి కాఁక కోర్చువిల్లు గఱిగల గుఱ్ఱాలు పగలు రేయునుఁ దిరుగు బండికండ్లు గలుఁగఁ బురజయంబుఁ గైకొన్న నినుఁగొల్తు చిరశుభాంక సోమశేఖరాంక.

⁠ 6

(పాలకురితి సోమయ్య)