పుట:ఉదాహరణపద్యములు.pdf/2

2 త్రిపురవిజయము

సీ.⁠

ఓజుచే ముట్టక యొగ్గానఁ బట్టక               చక్కఁగా దివిఁబాఱు చక్రమునును, లాయానఁ గట్టక లలిమేఁత వెట్టక               వర్ణహీనంబయిన వారువములు, తవన వెట్టక జీవితము కాసు ముట్టక               సత్త్వసంపద చూపు సారథియును, కడచీల దట్టక ఘనముగా మెట్టక               గంభీరసంపద గలుగునిరుసు, గలిగి తనరారు నరదంబుఁ గడఁక నెక్కి త్రిపురవిజయంబుఁ జేకొన్న దేవదేవుఁ డిందుశేఖరుఁ డానందమందిరుండు మనల గరుణావిధేయుఁడై మనుచుగాత!

⁠ 3

(రంగనాథుఁడు)

సీ.⁠

తొలిపల్కు మునికోలఁ దోఁచు వారువములు               వారువములఁ గన్న సారథియును సారథిఁగన్న యస్త్రము నస్త్రమునుమోచు               గరి గరితోడ దొడరెడు నారి నారిమీఁదటి తేరు తేరిమీఁదటి విల్లు               నా విల్లుపై బంటు లరుగు పథము మెఱుఁగుఁ జిప్పలజోడు మెయిజోడుపైగతుల్               గతులపై విజ్జోడుకండ్లు గండ్ల సరి వెలుఁగుచున్న ములికియు సంఘటించి విషమలక్ష్యముల్ సమదృష్టి విరుగనేసి జయము చేకొన్న విలుకాఱ చక్రవర్తి కరుణ దళుకొత్త మనలను గాచుఁగాత.

⁠ 4

(భాస్కరుఁడు)