పుడమికిం గెందమ్మి పూజ సేసినభంగి
లీలమై నొకకేల నేల నూఁది
తనివిగా వార్తామృతముఁ గ్రోలఁ బెట్టిన
పుడిసిలి క్రియఁ గర్ణపుటము నిచ్చి
తే. శంకతో స[న్నిధిని సఖీజనముఁ][1] బతియుఁ
జూచి యొండొరు మొగములు సూచికొనఁగ
నభినవంబైన భావోదయంబు సెప్పు
నాదరంబున సిరివరుం డాలకించె.
2
తే. అవ్విధంబున[2] నవధానమై మురారి
చిత్తగించుట యెఱిఁగి [యోజించి కదియ
వచ్చి][3] తన్వంగి[4] తానేక భంగి భణితి
విస్తరంబుగ నిట్లని విన్నవించె.
3
ఉ. కుండినపట్టణంబునను ఘో యనఁగానొక వార్త చెవులకుం(?)
బండువు సేయ వింటిమి తపస్విని రుక్మిణి వాసుదేవు [నిం
బెండిలియాడఁగా][5] నవనిఁ బ్రేమభరంబున పుష్పబాణుఁ డొ
క్కండు నెఱుంగఁ గంకణము గట్టిన దంచు వచింప నెల్లెడన్.
4
క. విని కర్ణోత్సవమును
గని నయనోత్సవము సేయఁగా భీష్మకు కొ
ల్వున రా[జు లెల్ల విడి][6]యుచు
మునుకొని పురిఁ గొన్ని దివసములు నిలువంగన్.
5
మ. బహుదేశంబులనుండి వచ్చు మగధుల్ పారప్రసంగంబులన్
మహనీయంబుగఁ జెప్పు నీదు యశమున్ మాధుర్యమున్ ధైర్యమున్
మహి[మంబుం జె][7]వి దేలఁ బెట్టి[8] వినుచుం దాదాత్మ్యముం బొందుఁ బ్ర
త్యహమున్ రుక్మిణి భీష్మకాంకమున నెయ్యంబార నాసీనయై.
6