వనమాలివిలాసము
ప్రథమాశ్వాసము
వ. ఇట్లు సకలజగన్మోహనమదురిమానరూపంబునకుం బెట్టని తొడవు వడువునం గడునలరు నెలజవ్వనంబు క్రొత్త చిగురొత్తఁ జిత్తభవునకుం బ్రభవంబున నుల్లసిల్ల [నిజతనూజకు యౌవనోద][1]యం బగుట విచారించి తగిన వరు వరింపనేరక భీష్మకమహానాయకు డాగమి వసంతాగమనంబునం జతురంత దిగంతర ధరాకాంతకుమారవర్గంబున స్వయంవరము సాటింపంగలవాఁడయి ని[జనగరంబునం][2] గల్యాణమంటపంబునుం దమంగంబులు[3] నాయితంబు సేయ నియోగించినం దదధికారు లధికారంభంబుల జిగి మిగులు మగధ వధూతిలకల నునుందొడల బిగి నగు పగడంపు [డంబు మిగులు బంగరు టనఁటి కంబంబు][4]ల నిగిడించు వారును నంధ్ర పురంధ్రీమణుల నిబ్బరంపు గుబ్బల బిబ్బోకంబు జుబ్బన జూరగాఁగొని గబ్బితనంబు నుబ్బి నిబ్బరంపు బసిమి మెఱయఁ బసిండి కుండలు నిలుపువారు[నుం గర్ణాట కుటిలాలకల][5] చిఱునెరుల మేలుతో మేలంబాడు నీలాలశోభనంబులు (?) నిర్మించు వారునునై పురంబు సంభ్రమమయంబును సంతోషమయంబును నై యుండునని చెప్పి వెండియుం బుండరీకాక్షునకుఁ జెవుల పం[డువుగ నొక్కశుభవర్తమానం][6]బు విన్నవించు తలంపున మొగంబున కడ్డంబుగాఁ గరపుటం బిడి కర్ణసమీపంబు ప్రాపించిన. 1
సీ. తొడిమప ట్టొకయింత మడఁచి పట్టిన తమ్మి
గతి మొగ మడ్డముగా నొనర్చి
క్షితి[కామ్రశాఖి వంగి ఫలాళి][7] నందించు
నట్లుగా నూర్థ్వకాయంబు వంచి
