పుట:ఉదయనోదయము (నారన సూరన).pdf/128

గీ. కలమసస్యవనంబులు గాచు దంట
వెలఁదుకల^[1] సోయగంబులే ములుకులుగను
గూర్చి తరుణాధ్వనీనుల^[2] గుండె లవియ
వ్రేయు మరుఁడను తక్కరివింటిజోదు^[3]. 86
 
సీ. పండ్లవ్రేఁగున వీఁగఁబడుమాదిఫలముల
కలిమి కప్రంబుల చెలిమి దడవ
నిండంగఁ బండిన నిమ్మల సామగ్రి
శృంగబేరమ్ముల చెలువు మెఱయ
ముదిరినయనఁటులఁ బొదలు^[4] సారస్యంబు
ఖండశర్కరల చక్కటులు వెదుకఁ
గావు తట్టినను నీకడుములవిభవంబు
భోజనోత్సవముల పొందు లరయ
తే. దింప బరువైన పోఁకబోదియల పెంపు
వెల్ల^[5]నాకుల సేమంబు విరికొనంగ
వఱలుఁ దద్దయు నప్పురవరము చుట్టు
కొని తనర్చెడు నందనవనచయంబు. 87
 
చ. రవి యుదయించి యెత్తి పయిరాకకు బెగ్గిలి యిర్లు మన్కికై^[6]
యవనిజముల్^[7] శరణ్యమని యాడిన లో నెడ మిచ్చి^[8] నిల్పె నా
(రవి)కిరణాళికిం దఱిసిరా నవకాశము నీక చీఁకటుల్
గవియఁగ నుండు నెంతయుఁ బగళ్ళును^[9] నప్పురి నందనావళుల్. 88
 
చ. పలుకుల నేర్పు చిల్కలకుఁ బాటల తిన్నదనంబు గండుఁగో
యిలలకు మందయానముల యెత్తు నెమిళ్ళకు వేణియొప్పిదం
బలులకుఁ బంచి వెట్టఁదగు నౌఁ బురిలేమలు కానినాటికిం
గలుగవె యన్యమైన విహగంబులయందుల నివ్విలాసముల్. 89

---

1. పంట వేవిమెతల
2. కరుణి ధనినుల
3. శక్కవి వింటివెవిది
4. బోదెల
5. వెల
6. యుం
7. బవిసితముల్
8. మిచ్చ
9. న(గ)