282
ఆత్మవిచారము
[7 వ
̺
ప్రారబ్ధకర్మ
110 వ పుటయందు చెప్పిన ప్రకారము కర్మదేవతలు ప్రతివానియొక్కయు కర్మల రహస్యమును విమర్శించి ఎవరెవరికి ఎవరెవరు కర్మానుభవరీత్యా సంబంధపడియున్నారో అట్టి వారు ఎవరెవరు భూలోకమందు ఒకప్పుడు జన్మమెత్తబోతున్నారో అది పరీక్షించి ఒకరి కర్మపైకి కొంతభాగమును విమర్శించి వేరుగాతీసి ఆ జీవాత్మను వాని అనుభవమునకుగా వేరుతీయబడిన కర్మను సహా ఒక చిన్న దేవతచేతికి ఇత్తురు. లోకమందుండు జనులకందరకును లెక్కలు పెట్టను ఎందరు దేవతలుండవలెనో యోచనచేసి యూహించవలెను. ఈ వేరుతీయబడినకర్మకు ప్రారబ్ధకర్మ యని పేరు. "ప్రారబ్ధం భోగతో నశ్యేత్.” ఈ ప్రారబ్ధకర్మ అనుభవమువల్లనే అరిగిపోవలసినది. వేరువిధమున నశించుటకు సాధ్యముకాదు.
ఈ ప్రారబ్ధకర్మను అనుసరించియే ఏదేశమందు జన్మమెత్తవలయును, ఏజాతియందు పుట్టవలెను, ఏ ఊళ్లో, ఏ కులములో, ఏ తెగ, మగశరీరమా ఆడుశరీరమా, ఇవంతయు నిర్ధారింపబడును. ఎన్ని సంవత్సరములకాలము భూలోకమందు జీవించవలసినది అనునదియు కూడ ప్రారబ్ధకర్మను పట్టియే. 111 వ పుటయందు చెప్పిన ప్రకారము, ఏ విద్యను నేర్చిజీవించును, ఏ యే విద్యలయందు ప్రావీణ్యము, అధికపరుచుకొనును, అనునది అంతయు నిర్ధారింపబడును. 253 వ పుటయందు ప్రస్తావించిన దేహబీజములయం దిమిడి యుండు వాసనలు (శక్తులు) ఏ విధముగా క్రియారూపముగా మారును అనునదియు ప్రారబ్ధకర్మను అనుసరించియే. ఆ కర్మ చేసి
