పుట:అష్టాంగయోగసారము (తరికొండ వేంగమాంబ).pdf/47

వికీసోర్స్ నుండి
ఈ పుట అచ్చుదిద్దబడ్డది

24

అష్టాంగయోగసారము

ఉజ్ఝాయి కుంభకము

సీ. తగ నోరు బంధించి తసముక్కుక్రోవుల
        నుంచి వాయువును బూరించి కంఠ
    మున ధ్వనిఁ బుట్టించి మొనసి హృదబ్జంబు
        దాఁక లోనికిఁ దీసి తనువునందుఁ
    బ్రాణుని గుంభించి పరగ నిడానాడి
        చేతను విడువగా శ్లేష్మహరము
    నగు జఠరాగ్ని మహావృద్ధి యగు ధాతు
        గతరోగములు సెడు క్రమముగాను
గీ. నడుచుచుండినఁ గూర్చుండినను దినంబు
    గోప్యముగ నిట్టి యుజ్ఝాయి కుంభకంబు
    క్రమముగాఁ జేయఁదగును సీత్కార మనెడి
    కుంభకం బేను జెప్పెద కొమ్మ వినుమి.
గీ. వనిత నాసాపుటములచే వ్యావరింప (?)
    బడిన సీత్కారమనెడు కుంభకము ముఖము
    నందుఁ జేయగ నిద్రయు నాకలియును
    దెలియకుండును స్వచ్ఛందదేహుఁ డగును.

సీత్కారకుంభకము

వ. అది యెట్లనిన నాలుకచేతను జెక్కిళ్ళచేతను వాయువును సదా పానముచేయగా నతఁడు ఆఱునెలలు సకలరోగరహితుఁడై యోగినీచక్రసమానశక్తిగలవాడై రెండవ వామదేవుండనఁ దగియుండు నిది సీత్కారకుంభకంబగు నింక సీతళి యనెడి కుంభకంబు సెప్పెద నెట్లనిన.