ఈ పుట ఆమోదించబడ్డది
8
అష్టాంగయోగసారము
గోముఖాసనము
వ॥ ఎడమకాలి మెడిమ కుడివీపుప్రక్కగా గుడికాలి మెడిమ నెడమ వీపుప్రక్కగా మోకాటిమీఁద మోకాలు కదియనుంచి కూర్చున్న నది గోముఖాసనం బగు.
వీరాసనము
ఒకపాదము తొడక్రింద నొకపాదము తొడమీదనుంచి కూర్చున్న నది వీరాసనం బగు.
కూర్మాసనము
ఆధారమున కుభయపార్శ్వముల రెండుకాళ్ళమెడిమలు కదియ హత్తించి చక్కగాఁ గూర్చున్న నది కూర్మాసనం బగు.
కుక్కుటాసనము
పద్మాసనముగానుండి మోకాళ్ళతొడలసందులఁ జేతులను దూర్చి రెండుహస్తములు నేలనూని పద్మాసనంబుపై కెగసినట్లుండుట కుక్కుటాసనం బగు.
ఉత్తానకూర్మాసనము
ఇట్లు కుక్కుటాసనస్థుఁడై యుండి రెండు చేతులను మెడను బట్టుకొని కూర్మమువలె వెలికిలబడియున్న నది యుత్తానకూర్మాసనం బగు.
ధనురాసనము
పాదాంగుష్ఠముల రెంటిని రెండుచేతుల ధనురాకృతిగా వీపు వెనుకగాఁ జెవులకు సరిగాఁ బట్టియుండుట ధనురాసనంబగు.