పుట:అశ్వలక్షణసారము (మనుమంచిభట్టు).pdf/8

⁠

డ్పులసంగమమున బావకు వలె హరులు పుట్టె గన్న వసుధాధీశా!

⁠ 3

⁠

దేవదానవులు సురకొఱకై సాలసముద్రమును మందరపర్వతముచే తరుచుచున్నప్పుడు- బ్రహ్మదేవుని యొక్క స్వేదబిందువులు గాడ్పులతో గలసెను. అప్పుడు హయము లుద్భవమందెను.

⁠

సీ.⁠

తొలుతదంతంబులు తోచిన నొకనెల              నెలలు రెం డగు నవి [1]నెరసి నిగుడ నడిమిదంతములు గానగనైన మూణ్ణెల్లు              [2]యవి వెస గూడంగ నైదునెలలు కడమదంతంబులు వొడమ నెన్మిదినెలల్              యవి గూడ తొమ్మిది యయ్యె నెలలు దశనంబు లారును విశదమైనను నేడు              యేళ్లు రెం డగు నవి ఎర్రనైన మొదటి రెండును బది గూడ మూడుయేండ్లు నడిమి రెండును పది గూడ నాలుగేండ్లు అవియు రెండును బది గూడ నైదు యేండ్లు యరయ హరులకు గన్నదండాధినాథ.

⁠ 4

⁠

ముందరిదంతములు బొడసూపిన గుర్రముయొక్క ప్రాయ మొకనెల. ఆముందరి రెండుదంతములును బలసినవై పొడవైన యెడల రెండునెలలు గుర్రమగును. మధ్యదంతములు గాన్పించిన మూడుమాసములు. అవి స్ఫుటమైన వైనచో నాల్గునెలలు. మిగిలినదంతములు వచ్చిన గుర్రముయొక్క ప్రాయ మెనిమిదినెలలు. ఆరుదంత

⁠

1. బలిసి నిగుడ అని పాఠాంతరము
2. యవి లెస్సగుటయును నైదునెలలు పా.