పుట:అప్పకవీయము (కాకునూరి అప్పకవి).pdf/157

తే.⁠

బలుకుటను సంస్కృతమున శబ్దజ్ఞు లప్ర, సిద్ధశబ్దంబులను గూర్చి చెప్పుచుందు రాంధ్రమున సుప్రసిద్ధంబులైన పూర్వ, కవిసమయసిద్ధపదములుగాని చొరవు.

⁠ 126

వ.⁠

పేద యన్నందుకు ధాతువు 'డుపచష్సాకే' యననది. 'ఊష' యన్నందుకు ధాతువు 'వస నివాసే' యనునది.

⁠ 127

తే.⁠

గ్రామ్యమైన నాంధ్రకవులు సంకేతిక, సుప్రసిద్ధ మనుచు సూత్రమునను గలిమిఁ బూర్వసుకవికావ్యోక్తములు ప్రసి, ద్ధంబు లైనఁ గూర్పఁదలఁతు [1]రెపుడు.

⁠ 128

వ.⁠

అది యె ట్లనినఁ గనియె ననవలసిన భూతార్థక్రియాపదైకవచనంబునందు వర్ణ లోపము చేసి కనెనఁట యని గ్రామ్యపదముగా వాగనుశాసనులు ప్రయోగించినారు గనుక నది సాధనము చేసికొని యాంధ్రకవితాపితామహుఁడు కొనెయె ననుటకుఁ గొనె నని చెప్పె నవి యెవ్వి యనిన.

⁠ 129

ఆదిపర్వమునందు

క.⁠

[2]వనకన్యకయఁట నేనఁట, వనమున గాంధర్వమున వివాహంబఁట నం దనుఁ గనెనఁట మఱచితినఁట, వినఁగూడునె యిట్టిభంగి విపరీతోక్తుల్.

⁠ 130

^[3]విష్ణుచిత్తీయమునందు

ఉ.⁠

పూని ముకుందునాజ్ఞఁ గనుబొమ్మనె [4]కాంచి యజాండభాండముల్ వానను మీఁదఁ బోవ [5]నడువంగొనె ద న్నన నగ్రనిశ్చల త్వానచలత్వనిష్ఠలె సమస్తజగంబులజాడ్యచేతనల్ గా నుతికెక్కు సైన్యపతికాంచనవేత్రము నాశ్రయించెదన్.

⁠ 131

కందగీతిగర్భచంపకమాల

చ.⁠

నరహరి కేశవా వనజనాభ రమాధవ వంశహస్త బం ధురసుగుణాకరా దురితదూర జనార్ధన దోర్బలాఢ్య గీ ర్వర గిరిశస్తుజౌ మురహరా సురపూజీతముఖ్యపాద సుం దరపురుషాగ్రణీ భుజగతల్ప శచీపతిపుత్రరక్షణా.

⁠ 132

గర్భకందము

క.⁠

హరి కేశవా వనజనా, భ రమాధవ వంశహస్త బంధురసుగుణా గిరిశస్తుతా మురహరా, సురపూజితముఖ్యపాద సుందరపురుషా.

⁠ 133

1. రెదను (వా); రెలమి (పె)
2. ఈపద్యము పినవీరభద్రుని శృంగారశాకుంతలము(3 ఆ. 114 ప.)నందుఁ గనఁబడును గాని ఆదిపర్వమునందుఁ గనఁబడదు.
3. ఇది ఆముక్తమాల్యదకు నామాంతరము (రా)
4. దాల్చి (పె)
5. తే. నడవం (ప,వా,పె)