తాళ్ళపాక పదసాహిత్యం/ఐదవ సంపుటం/రేకు 480
రేకు: 0080-1 శ్రీరాగం సం: 05-289
పల్లవి:
అంజలిరంజలిరయం తే
కిం జనయసి మమ ఖేదం వచనైః
చ. 1:
మాం కిం భజనే మయా కింతే
త్వం కోవా మే తవ కాహం
కిం కార్యమితో గేహే మమ తే
శంకాం వినా కిం సమాగతోసి
చ. 2:
నను వినయోక్తేర్న యోగ్యాహం
పున: పునస్త్వం పూజ్యోసి
దినదిన కలహవిదినా తే కిం
మనసిజజనక రమారమణ
చ. 3:
దైవం బలవత్తరం భువనే
నైవ రోచతే నర్మ మయి
ఏవమేవ భవదిష్ణం కురు కురు
శ్రీవేంకటాద్రి శ్రీనివాస
రేకు: 0080-2 సామంతం సం: 05-290
పల్లవి:
విరహన నినుఁబాసి వేఁగేను
తరుణి నేను నిన్నుఁ దప్పఁ దోయఁగలవా
చ. 1:
మున్ను నీవు రేపల్లెను ముచ్చిలించుకొన్న పాలు-
వెన్నలునారగించి విఱ్ఱవీఁగేవు
సన్నపు నడిమితోడి జవ్వనాన నలయుచు-
నున్నదాన నీతోడ నోపుదునా పెనఁగ
చ. 2:
నేరుపునఁ బాలజలనిధిలో నమృతమెల్ల-
నారగించి లావున నన్నప్పళించేవు
బీరమునఁ జిగురాకుఁ బెదవితోఁ గనుచూపు-
గూరిమి నేనుఁ డి నిన్నుఁ గుచ్చి పట్టఁగలనా
చ. 3:
గుద్దలించి దనుజుని గోరఁ జెనకిన నిన్ను
అద్దలించి చెనక నీయంతదాననా
గద్దరివి తిరువేంకటగిరివిభుఁడ నీ-
నిద్దపుఁ గస్తూరిమేను నేనాఁగగలనా
రేకు: 0080-3 ముఖారి సం: 05-291
పల్లవి:
ఎక్కడిదిఁకఁ బరిణామము యీమదనానలమునఁ బ్రియ-
మెక్కుడు దోఁపఁగ దైర్యంబింతయుఁ దీరెడిని
చ. 1:
మనసునఁదలఁచినతలఁపులు మాటల వెడలఁగ నాడిన
గొనకొని కన్నుల నీళ్ళు గుత్తుకవట్టెడిని
కనుఁగవ చూచినచూపులు కౌఁగిటఁ జేర్పఁగఁ బోయిన
పనివడి హృదయంబంతయుఁ బరవశమయ్యెడిని
చ. 2:
తనువున నాటినమాటలు తప్పక మతిఁ జింతించిన
అనువుగనది పరితాపంబై పెరరేఁ పెడిని
వెనకదినంబుల కూటమి వేడుకలని తలపోసిన
పెనగొన పూఁటకుఁ బూటకు ప్రేమము పెరిగెడిని
చ. 3:
తిరువేంకటగిరినాథుని దేవోత్తముఁ గూడిన మది
యెరగొని దేహవికారములెరవై తోఁపెడిని
పరమాత్మునికరుణారస పానము సేసిన జిహ్వకు
అరుదుగ నితరపదార్థములన్నియు రోసెడిని
రేకు: 0080-4 శ్రీరాగం సం: 05-292
పల్లవి:
తానట ప్రాణేశుండట తమకము తమకముఁ గూడఁగ
వేనలి జారినఁ దలఁకని వేడుకలెట్టివొకో
చ. 1:
మీఁటినఁ బగిలెడిగుబ్బలమీఁద నలందిన గందపు-
వేటులతళుకులు పయ్యెద వెలుఁపలఁబొలయఁగను
నాఁటిన మదనుని శరముల నలఁకువనొయ్యన తోఁపఁగ
మాటకు మాఁటాడదు చెలిమర్మంబెట్టిదొకో
చ. 2:
మించిన తొడల మెఱుంగుల మెలుఁతుక గట్టిన పుట్టము
చించుక వెడలిన నిగ్గులు సిగ్గులు దొలఁకగను
వంచినరెప్పల కన్నుల వడియు జలంబులు చెక్కుల
నించినఁ బలుకనిభావపు నెవ్వగలెట్టివొకో
చ. 3:
కమ్మనితావుల చెమటల గాలికి నొయ్యన మెచ్చుచు
సొమ్మలఁదేలెడి మరపుల సొక్కులఁ దేలుచును
దిమ్మరికోనేటప్పని తిరువేంకటపతిఁ గూడిన
కొమ్మకు మీఁదటియాసల కోరికలెటివొకో
రేకు: 0080-5 నాదనామక్రియ సం: 05-293
పల్లవి:
మలసిన తుమ్మిద మగవాఁడు
నిలిచి నాకు వెరవ నీకేలయ్యా
చ. 1:
మగువలు సురతపు మఱపునఁ గుచములఁ
దగిలిన రేకలతరిఁ జెలఁగి
పగటున సిగ్గులు పడుదురుగాకిటు
నిగిడిన సిగ్గులు నీకేలయ్యా
చ. 2:
వనితలు రతిపరవశమున మురిపెపు-
కనుఁగవచూపులఁ గరఁగుచును
జునుగుల చూపులు చూతురుగాకిటు
యెనసినెనయములు యిఁకనేలయ్యా
చ. 3:
లోలో మముబోంట్లు వనితలు వగఁ
దూలుచు జడమౌదురు గాక
తేలించితి రతి తిరువేంకటపతి
నాలికాఁడ నీనగవేలయ్యా
రేకు: 0080-6 దేశాక్షి సం: 05-294
పల్లవి:
ఏడనున్నదో యీతరుణి
చూడక చూచిన చూపులలోన
చ. 1:
మేఁతలు మరిగిన మీల పిల్లలకు
నీఁతలు నేరిపి యీతరుణి
కాఁతాళించిన కన్నుల నీళ్ళ
చేఁతల నిండిన చెరువులలోన
చ. 2:
ముత్తెపునవ్వుల మురిపెపుఁ బువ్వుల
యెత్తులె కట్టి యీతరుణి
లత్తిక మోవికి లంచముగా పై
మెత్తిన దంతపు మెరుఁగులలోన
చ. 3:
పసని చీఁకట్ల పలుమరుఁ దవ్వి
యిసుక పాఁతరలె యీతరుణి
కసిగాట్ల వేంకటపతి కౌఁగిట
రసములొలుక నేరములెన్నుచును