తాళ్లపాక అన్నమాచార్యుల జీవితచరిత్రము/అన్నమాచార్య సంతతి
సరసత్వమునఁ దాళసముఖముల్ గాఁగ
పరమతంత్రములు ముప్పదిరెండువేలు,
ప్రవిమల ద్విపద ప్రబందరూపమున
నవముగా రామాయణము, దివ్యభాష
నా వేంకటాద్రిమాహత్మ్య మంతయును
గావించి, రుచుల శృంగారమంజరియు
శతకముల్ పదిరెండు సకలభాషలను
ప్రతిలేని నానాప్రబంధముల్ చేసి,
అన్నమాచార్య సంతతి
సిరివరు మెప్పించి చెలఁగి యా దేవు-
వరమునఁ దనయంతవారిఁ బుత్రకుల
నరసయాచార్యు నున్నతయశోధనునిఁ
దిరుమలాచార్యుని ధీవిశారధుని
గాంచి, వారున దనకరణి విద్యలను
గాంచనాంబరు భక్తికలిమిఁ బెంపొంద
శౌరికథాసుధాసల్లాప గరిమ
ధారుణి నెంతయుఁ దనరారుచుండె;
మనసునఁ గపటంబు మాని సద్భక్తి
ననఘమౌ నీ యన్నమాచార్యచరిత
వినిన వ్రాసినఁ బేరుకొనినఁ జదివిన
జనులకు నిష్ణార్థసౌఖ్యంబు లొదవు-