ఏలావతార మెత్తుకొంటివి ఏమికారణము రాముఁడై

త్యాగరాజు కృతులు

అ • ఆ • ఇ • ఈ • ఉ • ఊ • ఋ • ౠ • ఎ • ఏ • ఐ • ఒ • ఓ • ఔ • అం • అః • క • ఖ • గ • ఘ • ఙ • చ • ఛ • జ • ఝ • ఞ • ట • ఠ • డ • ఢ • ణ • త • థ • ద • ధ • న • ప • ఫ • బ • భ • మ • య • ర • ల • వ • శ • ష • స • హ • ళ • ఱ

రాగం: ముఖారి
తాళం: ఆది

పల్లవి:
ఏలావతార మెత్తుకొంటివి ఏమికారణము రాముఁడై ॥ఏలావతారమెత్తుకొంటివి॥

అనుపల్లవి:
ఆలము సేయుటకా అయోధ్య
పాలనఁ జేయుటకా ఓ రాఘవ ॥ఏలావతారమెత్తుకొంటివి॥

చరణములు:
యోగులను జూచుటకా భవ
రోగులను బ్రోచుటకా శత
రాగరత్నమాలికలు రచించిన
త్యాగరాజునకు వర మొసంగుటకా ॥ఏలావతారమెత్తుకొంటివి॥