మన్ద్రయా సోమ ధారయా వృషా పవస్వ దేవయుః |
అవ్యో వారేష్వ్ అస్మయుః || 9-006-01
అభి త్యమ్ మద్యమ్ మదమ్ ఇన్దవ్ ఇన్ద్ర ఇతి క్షర |
అభి వాజినో అర్వతః || 9-006-02
అభి త్యమ్ పూర్వ్యమ్ మదం సువానో అర్ష పవిత్ర ఆ |
అభి వాజమ్ ఉత శ్రవః || 9-006-03
అను ద్రప్సాస ఇన్దవ ఆపో న ప్రవతాసరన్ |
పునానా ఇన్ద్రమ్ ఆశత || 9-006-04
యమ్ అత్యమ్ ఇవ వాజినమ్ మృజన్తి యోషణో దశ |
వనే క్రీళన్తమ్ అత్యవిమ్ || 9-006-05
తం గోభిర్ వృషణం రసమ్ మదాయ దేవవీతయే |
సుతమ్ భరాయ సం సృజ || 9-006-06
దేవో దేవాయ ధారయేన్ద్రాయ పవతే సుతః |
పయో యద్ అస్య పీపయత్ || 9-006-07
ఆత్మా యజ్ఞస్య రంహ్యా సుష్వాణః పవతే సుతః |
ప్రత్నం ని పాతి కావ్యమ్ || 9-006-08
ఏవా పునాన ఇన్ద్రయుర్ మదమ్ మదిష్ఠ వీతయే |
గుహా చిద్ దధిషే గిరః || 9-006-09
