అపూర్వ్యా పురుతమాన్య్ అస్మై మహే వీరాయ తవసే తురాయ |
విరప్శినే వజ్రిణే శంతమాని వచాంస్య్ ఆసా స్థవిరాయ తక్షమ్ || 6-032-01
స మాతరా సూర్యేణా కవీనామ్ అవాసయద్ రుజద్ అద్రిం గృణానః |
స్వాధీభిర్ ఋక్వభిర్ వావశాన ఉద్ ఉస్రియాణామ్ అసృజన్ నిదానమ్ || 6-032-02
స వహ్నిభిర్ ఋక్వభిర్ గోషు శశ్వన్ మితజ్ఞుభిః పురుకృత్వా జిగాయ |
పురః పురోహా సఖిభిః సఖీయన్ దృళ్హా రురోజ కవిభిః కవిః సన్ || 6-032-03
స నీవ్యాభిర్ జరితారమ్ అచ్ఛా మహో వాజేభిర్ మహద్భిశ్ చ శుష్మైః |
పురువీరాభిర్ వృషభ క్షితీనామ్ ఆ గిర్వణః సువితాయ ప్ర యాహి || 6-032-04
స సర్గేణ శవసా తక్తో అత్యైర్ అప ఇన్ద్రో దక్షిణతస్ తురాషాట్ |
ఇత్థా సృజానా అనపావృద్ అర్థం దివే-దివే వివిషుర్ అప్రమృష్యమ్ || 6-032-05
