హోతాజనిష్ట చేతనః పితా పితృభ్య ఊతయే |
ప్రయక్షఞ్ జేన్యం వసు శకేమ వాజినో యమమ్ || 2-005-01
ఆ యస్మిన్ సప్త రశ్మయస్ తతా యజ్ఞస్య నేతరి |
మనుష్వద్ దైవ్యమ్ అష్టమమ్ పోతా విశ్వం తద్ ఇన్వతి || 2-005-02
దధన్వే వా యద్ ఈమ్ అను వోచద్ బ్రహ్మాణి వేర్ ఉ తత్ |
పరి విశ్వాని కావ్యా నేమిశ్ చక్రమ్ ఇవాభవత్ || 2-005-03
సాకం హి శుచినా శుచిః ప్రశాస్తా క్రతునాజని |
విద్వాఅస్య వ్రతా ధ్రువా వయా ఇవాను రోహతే || 2-005-04
తా అస్య వర్ణమ్ ఆయువో నేష్టుః సచన్త ధేనవః |
కువిత్ తిసృభ్య ఆ వరం స్వసారో యా ఇదం యయుః || 2-005-05
యదీ మాతుర్ ఉప స్వసా ఘృతమ్ భరన్త్య్ అస్థిత |
తాసామ్ అధ్వర్యుర్ ఆగతౌ యవో వృష్టీవ మోదతే || 2-005-06
స్వః స్వాయ ధాయసే కృణుతామ్ ఋత్విగ్ ఋత్విజమ్ |
స్తోమం యజ్ఞం చాద్ అరం వనేమా రరిమా వయమ్ || 2-005-07
యథా విద్వాఅరం కరద్ విశ్వేభ్యో యజతేభ్యః |
అయమ్ అగ్నే త్వే అపి యం యజ్ఞం చకృమా వయమ్ || 2-005-08
