ఇటు సాహసములు
ప|| ఇటు సాహసములు యాల నాపై సక్కనిసామి
అ|| ఇట్లు వగలు తాళ నాతరమా
చ1|| ఇక చిన్నదాన నేను మగవారిని ముఖము
ఎరుగకనేయున్నాను వగకాసారి నీకిది మేర
గాదే వలపు న్యాయమెరుగు నాసామి
చ2|| మనసు రంజితమయ్యే నీకు తగినమగువతో
ఈ వగలుంచవలను వినవయ్యా నా పలుకులు
ఈ వేళను వింతలు చాలు చాలు నాస్వామి
చ3|| సరసిజనేత్రుడ నీకరుణవల్ల చాల
యౌవనము వచ్చేనాడు మరుకేళిలో నే నిను
లాలింతును సరసపంకజనాభ నాసామి