ఆదిదేవుం డనంగ
ఆదిదేవుం డనంగ మొదల నవతరించి జలధి సొచ్చి
వేదములును శాస్త్రములను వెదకి తెచ్చె నితండు
వాలి తిరుగునట్టి దైత్యవరుల మోహవతులనెల్ల
మూలమూలం ద్రోసి ముసుగుపాలుసేసె నితండు
వేలసంఖ్యనైన సతుల వేడుక లలరంజేసి వొంటి
నాలిమగని రీతిగూడి యనుభవించె నితండు
కడుపులోని జగములనెల్ల గదలకుండం బాపరేని
పడకనొక్క మనసుతోడం బవ్వళించె నితండు
అడుగు క్రింద లోకమెల్ల నడంచదలంచి గురుతుమీర
పొడవు వెరిగి మిన్నుజలము పొడిచి తెచ్చి నితండు
కొండెవయసువాడు మంచి గోపసతుల మనములెల్ల
ఆడికెలకు నోపి కొల్లలాడి బ్రదికె నితండు
వేడుకలర వేంకటాద్రి వెలసి భూతకోటి దన్నుం
జాడుం డనుచు మోక్షపదము చూరవిడిచి నితండు
AdidEvuM DanaMga modala navatariMci jaladhi socci
vEdamulunu SAstramulanu vedaki tecche nitaMDu
vAli tirugunaTTi daityavarula mOhavatulanella
mUlamUlaM drOsi musugupAlusEse nitaMDu
vElasaMKyanaina satula vEDuka lalaraMjEsi voMTi
nAlimagani rItigUDi yanuBaviMce nitaMDu
kaDupulOni jagamulanella gadalakuMDaM bAparEni
paDakanokka manasutODaM bavvaLiMce nitaMDu
aDugu kriMda lOkamella naDaMcadalaMci gurutumIra
poDavu verigi minnujalamu poDici tecci nitaMDu
koMDevayasuvADu maMci gOpasatula manamulella
ADikelaku nOpi kollalADi bradike nitaMDu
vEDukalara vEMkaTAdri velasi BUtakOTi dannuM
jADuM Danucu mOkShapadamu cUraviDici nitaMDu
బయటి లింకులు[మార్చు]
| అన్నమయ్య పాటలు | 
|
|---|---|
| అ | ఆ | ఇ | ఈ | ఉ | ఊ | ఋ | ౠ | ఎ | ఏ | ఐ | ఒ | ఓ | ఔ | అం | అః | క | ఖ | గ | ఘ | ఙ | చ | ఛ | జ | ఝ | ఞ | ట | ఠ | డ | ఢ | ణ | త | థ | ద | ధ | న | ప | ఫ | బ | భ | మ | య | ర | ల | వ | శ | ష | స | హ | ళ | ఱ
| |