అన్నమాచార్య చరిత్రము/అన్నమాచార్య వంశ్యులు

by తాళ్ళపాక చిన తిరువేంగళనాథుడు

నైనఁ జేయగ నొల్ల రమ్మహామహులు;

అందులో నొక్క ధరామరేంద్రుండు
నందవరాన్వయార్ణవ సుధాకరుఁడు

గురు భరద్వాజసగోత్రుండు పాప-
హరబుద్ది యాశ్వలాయన సూత్రశాలి

నారాయణుండను నయవేదివేద
పారాయణుఁడు విష్ణుపదభక్తిరతుఁడు

అనఘుని విట్ఠలాహ్వయుఁ గాంచె; నతఁడు
కనియె నారాయణు ఘనయశోనిధిని

నతఁడు విట్ఠలుఁ గాంచె; నతఁడు లోకైక-
నుతుఁడైన నారాయణుని తండ్రియయ్యె;