అధర్వణవేదము - కాండము 11 - సూక్తము 10

వికీసోర్స్ నుండి
అధర్వణవేదము (అధర్వణవేదము - కాండము 11 - సూక్తము 10)



ఉత్తిష్ఠత సం నహ్యధ్వముదారాః కేతుభిః సహ |

సర్పా ఇతరజనా రక్షాంస్యమిత్రానను ధావత ||


ఈశాం వో వేద రాజ్యం త్రిషన్ధే అరుణైః కేతుభిః సహ |

యే అన్తరిక్షే యే దివి పృథివ్యాం యే చ మనవాః |

త్రిషన్ధేస్తే చేతసి దుర్ణామాన ఉపాసతామ్ ||


అయోముఖాః సూచీముఖా అథో వికఙ్కతీముఖాః |

క్రవ్యాదో వాతరంహసః ఆ సజన్త్వమిత్రాన్వజ్రేణ త్రిషన్ధినా ||


అన్తర్ధేహి జాతవేద ఆదిత్య కుణపమ్బహు |

త్రిసన్ధేరియం సేనా సుహితాస్తు మే వశే ||


ఉత్తిష్ఠ త్వం దేవజనార్బుదే సేనయా సహ |

అయం బలిర్వ ఆహుతస్త్రిషన్ధేరాహుతిః ప్రియా ||


శితిపదీ సం ద్యతు శరవ్యేయం చతుష్పదీ |

కృత్యే ऽమిత్రేభ్యో భవ త్రిషన్ధేః సహ సేనయా ||


ధూమాక్షీ సం పతతు కృధుకర్నీ చ క్రోశతు |

త్రిషన్ధేః సేనయా జితే అరుణాః సన్తు కేతవః ||


అవాయన్తాం పక్షిణో యే వయాంస్యన్తరిక్షే దివి యే చరన్తి |

శ్వాపదో మక్షికాః సం రభన్తామామాదో గృధ్రాః కుణపే రదన్తామ్ ||


యామిన్ద్రేణ సంధాం సమధత్థా బ్రహ్మణా చ బృహస్పతే |

తయాహమిన్ద్రసంధయా సర్వాన్దేవానిహ హువ ఇతో జయత మాముతః ||


బృహస్పతిరాఙ్గిరస ఋషయో బ్రహ్మసంశితాః |

అసురక్షయణం వధం త్రిషన్ధిమ్దివ్యాస్రయన్ ||


యేనాసౌ గుప్త ఆదిత్య ఉభావిన్ద్రశ్చ తిష్ఠతః |

త్రిషన్ధిం దేవా అభజన్తౌజసే చ బలాయ చ ||


సర్వాంల్లోకాన్త్సమజయన్దేవా ఆహుత్యానయా |

బృహస్పతిరాఙ్గిరసో వజ్రం యమసిఞ్చతాసురక్సయణం వధమ్ ||


బృహస్పతిరాఙ్గిరసో వజ్రం యమసిఞ్చతాసురక్షయణం వధమ్ |

తేనాహమమూం సేనాం ని లిమ్పామి బృహస్పతే ऽమిత్రాన్హన్మ్యోజసా ||


సర్వే దేవా అత్యాయన్తి యే అశ్నన్తి వషట్కృతమ్ |

ఇమాం జుషధ్వమాహుతిమితో జయత మాముతః ||


సర్వే దేవా అత్యాయన్తు త్రిషన్ధేరాహుతిః ప్రియా |

సంధాం మహతీం రక్షత యయాగ్రే అసురా జితాహ్ ||


వాయురమిత్రాణామిష్వగ్రాణ్యాఞ్చతు |

ఇన్ద్ర ఏషాం బహూన్ప్రతి భనక్తు మా శకన్ప్రతిధామిషుమ్ |

ఆదిత్య ఏషామస్త్రం వి నాశయతు చన్ద్రమా యుతామగతస్య పన్థామ్ ||


యది ప్రేయుర్దేవపురా బ్రహ్మ వర్మాణి చక్రిరే |

తనూపానం పరిపాణం కృణ్వానా యదుపోచిరే సర్వం తదరసం కృధి ||


క్రవ్యాదానువర్తయన్మృత్యునా చ పురోహితమ్ |

త్రిషన్ధే ప్రేహి సేనయా జయామిత్రాన్ప్ర పద్యస్వ ||


త్రిషన్ధే తమసా త్వమమిత్రాన్పరి వారయ |

పృషదాజ్యప్రణుత్తానాం మామీషాం మోచి కశ్చన ||


శితిపదీ సం పతత్వమిత్రానామమూః శిచః |

ముహ్యన్త్వద్యామూః సేనాః అమిత్రానాం న్యర్బుదే ||


మూఢా అమిత్రా న్యర్బుదే జహ్యేషాం వరంవరమ్ |

అనయా జహి సేనయా ||


యశ్చ కవచీ యశ్చాకవచో ऽమిత్రో యశ్చాజ్మని |

జ్యాపాశైః కవచపాశైరజ్మనాభిహతః శయామ్ ||


యే వర్మిణో యే ऽవర్మాణో అమిత్రా యే చ వర్మిణః |

సర్వాంస్తాఁ అర్బుదే హతాం ఛ్వానో ऽదన్తు భూమ్యామ్ ||


యే రథినో యే అరథా అసాదా యే చ సాదినః |

సర్వానదన్తు తాన్హతాన్గృధ్రాః శ్యేనాః పతత్రిణః ||


సహస్రకుణపా శేతామామిత్రీ సేనా సమరే వధానామ్ |

వివిద్ధా కకజాకృతా ||


మర్మావిధం రోరువతం సుపర్ణైరదన్తు దుశ్చితం మృదితమ్శయానమ్ |

య ఇమాం ప్రతీచీమాహుతిమమిత్రో నో యుయుత్సతి ||


యాం దేవా అనుతిస్ఠన్తి యస్యా నాస్తి విరాధనమ్ |

తయేన్ద్రో హన్తు వృత్రహా వజ్రేణ త్రిషంధినా ||


అధర్వణవేదము


మూస:అధర్వణవేదము