అథర్వణవేదము - కాండము 1 - సూక్తములు 1 నుండి 5 వరకూ
| అధర్వణవేదము (అథర్వణవేదము - కాండము 1 - సూక్తములు 1 నుండి 5 వరకూ) | తరువాతి అధ్యాయము→ |
అధర్వణవేదము - కాండము 1 - సూక్తము 1
[మార్చు]యే త్రిషప్తాః పరియన్తి విశ్వా రూపాణి బిభ్రతః |
వాచస్పతిర్బలా తేషాం తన్వో అద్య దధాతు మే ||1||
పునరేహి వచస్పతే దేవేన మనసా సహ |
వసోష్పతే ని రమయ మయ్యేవాస్తు మయి శ్రుతమ్ ||2||
ఇహైవాభి వి తనూభే ఆర్త్నీ ఇవ జ్యయా |
వాచస్పతిర్ని యఛతు మయ్యేవాస్తు మయి శ్రుతమ్ ||3||
ఉపహూతో వాచస్పతిరుపాస్మాన్వాచస్పతిర్హ్వయతామ్ |
సం శ్రుతేన గమేమహి మా శ్రుతేన వి రాధిషి ||4||
అధర్వణవేదము - కాండము 1 - సూక్తము 2
[మార్చు]విద్మా శరస్య పితరం పర్జన్యం భూరిధాయసమ్ |
విద్మో ష్వస్య మాతరం పృథివీం భూరివర్పసమ్ ||1||
జ్యాకే పరి ణో నమాశ్మానం తన్వం కృధి |
వీడుర్వరీయో ऽరాతీరప ద్వేషాంస్యా కృధి ||2||
వృక్షం యద్గావః పరిషస్వజానా అనుస్పురం శరం అర్చన్త్యృభుమ్ |
శరుమస్మద్యావయ దిద్యుమిన్ద్ర ||3||
యథా ద్యాం చ పృథివీం చాన్తస్తిష్ఠతి తేజనమ్ |
ఏవా రోగం చాస్రావం చాన్తస్తిష్ఠతు ముఞ్జ ఇత్ ||4||
అధర్వణవేదము - కాండము 1 - సూక్తము 3
[మార్చు]విద్మా శరస్య పితరం పర్జన్యం శతవృష్ణ్యం |
తేనా తే తన్వే శం కరం పృథివ్యాం తే నిషేచనం బహిష్టే అస్తు బాలితి ||1||
విద్మా శరస్య పితరం మిత్రం శతవృష్ణ్యం |
తేనా తే తన్వే శం కరం పృథివ్యాం తే నిషేచనం బహిష్టే అస్తు బాలితి ||2||
విద్మా శరస్య పితరం వరుణం శతవృష్ణ్యం |
తేనా తే తన్వే శం కరం పృథివ్యాం తే నిషేచనం బహిష్టే అస్తు బాలితి ||3||
విద్మా శరస్య పితరం చన్ద్రం శతవృష్ణ్యం |
తేనా తే తన్వే శం కరం పృథివ్యాం తే నిషేచనం బహిష్టే అస్తు బాలితి ||4||
విద్మా శరస్య పితరం సూర్యం శతవృష్ణ్యం |
తేనా తే తన్వే శం కరం పృథివ్యాం తే నిషేచనం బహిష్టే అస్తు బాలితి ||5||
యదాన్త్రేషు గవీన్యోర్యద్వస్తావధి సంశ్రితమ్ |
ఏవా తే మూత్రం ముచ్యతాం బహిర్బాలితి సర్వకమ్ ||6||
ప్ర తే భినద్మి మేహనం వర్త్రం వేశన్త్యా ఇవ |
ఏవా తే మూత్రం ముచ్యతాం బహిర్బాలితి సర్వకమ్ ||7||
విషితం తే వస్తిబిలం సముద్రస్యోదధేరివ |
ఏవా తే మూత్రం ముచ్యతాం బహిర్బాలితి సర్వకమ్ ||8||
యథేషుకా పరాపతదవసృష్టాధి ధన్వనః |
ఏవా తే మూత్రం ముచ్యతాం బహిర్బాలితి సర్వకమ్ ||9||
అధర్వణవేదము - కాండము 1 - సూక్తము 4
[మార్చు]అమ్బయో యన్త్యధ్వభిర్జామయో అధ్వరీయతామ్ |
పృఞ్చతీర్మధునా పయః ||1||
అమూర్యా ఉప సూర్యే యాభిర్వా సూర్యః సహ |
తా నో హిన్వన్త్వధ్వరమ్ ||2||
అపో దేవీరుప హ్వయే యత్ర గావః పిబన్తి నః |
సిన్ధుభ్యః కర్త్వం హవిః ||3||
అప్స్వ న్తరమృతమప్సు భేషజమ్ |
అపాముత ప్రశస్తిభిరశ్వా భవథ వాజినో గావో భవథ వాజినీః ||4||
అధర్వణవేదము - కాండము 1 - సూక్తము 5
[మార్చు]ఆపో హి ష్ఠా మయోభువస్తా న ఊర్జే దధాతన |
మహే రణాయ చక్షసే ||1||
యో వః శివతమో రసస్తస్య భాజయతేహ నః |
ఉశతీరివ మాతరః ||2||
తస్మా అరం గమామ వో యస్య క్షయాయ జిన్వథ |
ఆపో జనయథా చ నః ||3||
ఈశానా వార్యాణాం క్షయన్తీశ్చర్షణీనామ్ |
అపో యాచామి భేషజమ్ ||4||
| అధర్వణవేదము | తరువాతి అధ్యాయము→ |