నిత్య పూజలివిగో నెరిచిన నోహో

నిత్య పూజలివిగో నెరిచిన నోహో ప్రత్యక్షమైనట్టి
పరమాత్మునికి నిత్య పూజలివిగో

తనువే గుడియట తలయె శిఖరమట పెను హృదయమే హరి పీఠమట
కనుగొన చూపులే ఘన దీపములట తన లోపలి అంతర్యామికిని

పలుకే మంత్రమట పాదయిన నాలుకే కలకల మను పిడి ఘంటయట
నలువైన రుచులే నైవేద్యములట తలపులోపలనున్న దైవమునకు

గమన చేష్టలే అంగరంగ గతియట తమి గల జీవుడే దాసుడట
అమరిన ఊర్పులే ఆలబట్టములట క్రమముతో శ్రీ వెంకటరాయునికి

Nitya poojalivigo nerichina noho
pratyakshamainatti paramaatmuniki nitya poojalivigo

Tanuvae gudiyata talaye sikharamata penu hrdayamae hari peethamata
Kanugona choopulae ghana deepamulata tana lopali amtaryaamikini

Palukae mamtramata paadayina naalukae kalakala manu pidi ghamtayata
Naluvaina ruchulae naivaedyamulata talapulopalanunna daivamunaku

Gamana chaeshtalae amgaramga gatiyata tami gala jeevudae daasudata
Amarina oorpulae aalabattamulata kramamuto Sree vemkataraayuniki