అయ్యో నానేరమికే అట్టే యేమని వగతు
అయ్యో నానేరమికే అట్టే యేమని వగతు
ముయ్యంచుచంచలాన మోసపోతిగాక // పల్లవి //
కాననా నావంటివారే కారా యీజంతువులు
నానా యోనుల బుట్టి నడచేవారు
మానక నాగర్వమున మదాంధమున ముందు
గానక భయపడినకర్మి నింతేకాక // అయ్యో నానేరమికే //
చదువనా నేదొల్లి జన్మజన్మాంతరముల
ఇది పుణ్య మిది పాప మింతంతని
వదలక నాభోగవాంఛలే పెంచి పెంచి
తుదకెక్క వెదకనిదుషుడనేను // అయ్యో నానేరమికే //
వినవా నే బురాణాల వెనకటివారినెల్ల
మనెడిభాగవతులమహిమలెల్లా
యెనయుచు శ్రీవేంకటేశుకృపచేత నేడు
ఘనుడ నయితిగాక కష్టుడగానా // అయ్యో నానేరమికే //
Ayyo naaneramike atte yemani vagatu
Muyyamchuchamchalaana mosapotigaaka
Kaananaa naavamtivaare kaaraa yeejamtuvulu
Naanaa yonula butti nadachevaaru
Maanaka naagarvamuna madaamdhamuna mumdu
Gaanaka bhayapadinakarmi nimtekaaka
Chaduvanaa nedolli janmajanmaamtaramula
Idi punya midi paapa mimtamtani
Vadalaka naabhogavaamchale pemchi pemchi
Tudakekka vedakanidushudanenu
Vinavaa ne buraanaala venakativaarinella
Manedibhaagavatulamahimalellaa
Yenayuchu sreevenkatesukrpacheta nedu
Ghanuda nayitigaaka kashtudagaanaa
బయటి లింకులు[మార్చు]
| అన్నమయ్య పాటలు | 
|
|---|---|
| అ | ఆ | ఇ | ఈ | ఉ | ఊ | ఋ | ౠ | ఎ | ఏ | ఐ | ఒ | ఓ | ఔ | అం | అః | క | ఖ | గ | ఘ | ఙ | చ | ఛ | జ | ఝ | ఞ | ట | ఠ | డ | ఢ | ణ | త | థ | ద | ధ | న | ప | ఫ | బ | భ | మ | య | ర | ల | వ | శ | ష | స | హ | ళ | ఱ
| |