అటుచూడు సతినేర్పు లవుభళేశ

ప|| అటుచూడు సతినేర్పు లవుభళేశ | అటుమటములు గావు అవుభళేశ ||

చ|| యెదురు గొండల మీద నెక్కినట్టి లకిమమ్మ | అదివో నీ తొడ యెక్కినౌభళేశ | వుదుటున నంతలోనే వురముపై నెలకొని | అదిమీ జన్నుల నిన్ను నౌభళేశ ||

చ|| ముంగోపముతోడను మొక్కలీడవైన నిన్ను | నంగన గద్దెపై బెట్టె నౌభళేశ | కంగక వేదాద్రి నిన్ను గరుడాద్రికి దీసె | అంగా లంటె నింటిలోన నౌభళేశ ||

చ|| చేరి నీవు నవ నారసింహరూపులైతే జెలి | ఆ రీతుల నిన్ను గూడె నౌభళేశ | గారవాన నీవు శ్రీ వేంకటముపై నుండగాను | అరసి రతి మెప్పించె నౌభళేశ ||

pa|| aTucUDu satinErpu lavuBaLESa | aTumaTamulu gAvu avuBaLESa ||

ca|| yeduru goMDala mIda nekkinaTTi lakimamma | adivO nI toDa yekkinauBaLESa | vuduTuna naMtalOnE vuramupai nelakoni | adimI jannula ninnu nauBaLESa ||

ca|| muMgOpamutODanu mokkalIDavaina ninnu | naMgana gaddepai beTTe nauBaLESa | kaMgaka vEdAdri ninnu garuDAdriki dIse | aMgA laMTe niMTilOna nauBaLESa ||

ca|| cEri nIvu nava nArasiMharUpulaitE jeli | A rItula ninnu gUDe nauBaLESa | gAravAna nIvu SrI vEMkaTamupai nuMDagAnu | arasi rati meppiMce nauBaLESa ||