అందరివలెనే వున్నాడాతడా

ప|| అందరివలెనే వున్నాడాతడా వీడు | యిందుముఖుల గూడినా డీతడా నాడు ||

చ|| యిందరూ నేటేట జేసేయింద్రయాగపు ముద్దలు | అందుకొని యారగించినాతడా వీడు | చెంది మునులసతులసత దెప్పించుక మంచి | విందులారగించినాడు వీడానాడు ||

చ|| తొలుత బ్రహ్మదాచిన దూడలకు బాలులకు | అలరి మారుగడించినాతడా వీడు | నిలుచుండేడుదినాలు నెమ్మది వేలగొండెత్తి | యిల నావుల గాచినా డీతడా నాడు ||

చ|| బాలుడై పూతనాదుల బలురక్కసుల జంపి | అలరియాటలాడిన యాతడా వీడు | యీలీల శ్రీవేంకటాద్రి యెక్కినాడు తొలుతే | యేలెను బ్రహ్మాదుల నీతడానాడు ||

pa|| aMdarivalenE vunnADAtaDA vIDu | yiMdumuKula gUDinA DItaDA nADu ||

ca|| yiMdarU nETETa jEsEyiMdrayAgapu muddalu | aMdukoni yAragiMcinAtaDA vIDu | ceMdi munulasatulasata deppiMcuka maMci | viMdulAragiMcinADu vIDAnADu ||

ca|| toluta brahmadAcina dUDalaku bAlulaku | alari mArugaDiMcinAtaDA vIDu | nilucuMDEDudinAlu nemmadi vElagoMDetti | yila nAvula gAcinA DItaDA nADu ||

ca|| bAluDai pUtanAdula balurakkasula jaMpi | alariyATalADina yAtaDA vIDu | yIlIla SrIvEMkaTAdri yekkinADu tolutE | yElenu brahmAdula nItaDAnADu ||